बिरेन्द्र बटालाका ७ मुक्तक

Byआहा सञ्चार

२०७८ माघ २५, मंगलवार १०:३४

देशलाई कुर्सी बनाएर शासन हाक्नेहरु हो
सत्ताको लोभमा गुटको बैठक राख्नेहरु हो
याद गर जनताले हिसाबकिताब गरेका छन्
महामारीपनि सत्ताको स्वाद चाख्नेहरु हो ।

कोही छैन राष्ट्रपिता मेरो देश ढल्दै गयो
स्वार्थको सत्ताले बिना आगो जल्दै गयो ।
कोहि छैन मुक्तिको लागि देशको लागि यहाँ
फोहोरीखेल राजनीतिले भित्र भित्रै गल्दै गयो ।

book ads

बोलाउदा र पत्र पठाउदा बेवास्ता गर्नेहरुलाइ ।
भेट्न् भनेर बाचा दिइएको भाका सार्नेहरुलाइ ।
अरे हिड्ने बाटो फरक होला तर धर्ती यौटैनै हो !
बदला लिनुनै छ म संग अहिले कुरा टार्नेहरुलाइ ।

आफै सङै राख घमण्ड, जोरि खोज्नु छैन मलाइ
बिशालु त्यो सम्बन्धलाई जोडि राख्नु छैन मलाइ ।
मेरो संघर्स र सफलतामा डाहा गर्छौ किन तिमि ?
आकास पाताल फरक बनौ, क्षितिज बन्नु छैन मलाइ ।

अन्तिम चेतावनी सरकार ढाल्नेहरुको लागि
जनताको अमुल्य मत खेर फाल्नेहरुको लागि
अब जनताले नै हिसाब किताब गर्नुपर्छ
असंवैधानिक कदम चाल्नेहरुको लागि ।

बर्षा याममा पनि रङ बसन्त छ ,
दुरि छ तर पनि प्यार् अनन्त छ ।
बाधा अडचन आउन, सबै सहुला म
सुर्य चन्द्र रहुन्जेल प्यार् जीवन्त छ ।

देखासिखीको फेसबुके राजनितीमा किन लाग्छौ तिमी
विकास बहस गरौं मेरो नजिक आउ किन भाग्छौ तिमी
तिम्रो साँघुरो सोच, अनि किरा परेको बौद्धिकता बाट
नैतिकताको राजनीतिमा कहिले जाग्छौ तिमि

फेसबुक प्रतिक्रियाहरु
Siddhartha Auto