जयमान बुढा मगर
रुकुमपूर्व भूमे गाउँपालिमा प्रजनन स्वास्थ्य तथा सचेतना तालिम सञ्चालन गरिएको छ । आज एक अनौपचारिक कार्यक्रमका बिच भूमे गाउँपालिकाको सभा हलमा तालिमको उद्घाटन गरिएको हो । महिला बालबालिका तथा ज्येष्ठ नागरिक इकाई भूमे गाउँपालिका शाखा कार्यालयको आयोजनामा पाँच दिने तालिम सञ्चालन भएकोे छ । पालिका स्तरीय सञ्चालन तालिममा २७ जनाको सहभागीता रहेको छ । प्रत्येक वडामा महिला विकास समिति गठन गरिएको छ । उक्त समितिबाट प्रतिनिधित्वको रुपमा तीन÷तीन जनाको सहभागीता रहनेगरी व्यवस्था मिलाईएको बालबालिका तथा ज्येष्ठ नागरिक इकाईका सहायक निरीक्षक लिला ओलीले बताए ।
पाँच दिने सञ्चालन तालिममा महिला÷पुरुषमा लैंगिक समानता, लैंगिक तथा घरेलु हिंसाको असर र त्यसलाई न्यूनिकरण गर्ने, त्यसैगरी गर्भवती तथा सुत्केरीलाई हेरचाह, यौन रोग, परिवार नियोजन साधन प्रयोगको उपाय र प्रजनन स्वास्थ्य सम्बन्धी समस्याको समाधानबारेमा तालिमबाट ज्ञान दिने उद्देश्यले तालिम सञ्चालन गरिएको आयोजकले जनाएको छ ।
दुर्गम ठाउँमा छौँ स्वास्थ्य सम्बन्धी चेकजाँच तथा डाक्टरको सल्लाह÷सुझावबाट वञ्चित हुनुपर्ने अवस्था रहेको भूमे गाउँपालिकाका अध्यक्ष रामसुर बुढा मगरले भनाई व्यक्त गरे । ‘आधारभूत स्वास्थ्य सम्बन्धी ज्ञान सहभागीतालाई दिई अरुलाई पनि जनचेतना फैलाउनमा सहयोग मिल्ने छ ।’ उनले भने, ‘ विभिन्न क्षेत्रको कार्यक्रम सञ्चालनबाट पूर्ण जनस्वास्थ्य मैत्री पालिका निर्माणमा अगि बडिराखेका छाँै ।’
तालिमको प्रशिक्षण भूमे गाउँपालिकाका स्वास्थ्य संयोजक उपेन्द्र यादव र उपसंयोजक लालबहादुर ओलीले तालिमको सहजिकरण गरिराखेका छन् । यस शाखाबाट वडा–वडामा समेत एक÷एक दिने सचेतना तथा स्वास्थ्य सम्बन्धी कार्यक्रम सञ्चालन गरिराखेको छ ।
