- डिल्लीबहादुर खत्री
उ चिल्ला गाडीको रहर गर्छ,
आफ्नो भने पैतलाले चप्पलको रहर गर्छ
हाम्रो उन्नतिको स्रोत जाँगरमा पनि हुन्छ
पाखुरा चलाउ केही गाउँघरमा पनि हुन्छ
आइतबार सल्यानको श्रीनगरमा रहेको होटल युनाइटेडको सभाहल यी र यस्तै जस्ता गजलका सेयरहरुले गुन्जायमान भयो । सल्यान कला साहित्य परिषदको आयोजना रहेको गजल महफिल कार्यक्रममा वाहवाह मच्चिएको हो । नयाँ र पुराना गजलकाहरुको सम्बन्ध बढाउन र साहित्यको पाठ सिकाउन कार्यक्रम गरिएको हो । साहित्य अनुरागी दर्शकहरुले खचाखच भरिएको गजल महफिलमा गजलकारहरू पोष्टराज चापागाई,पुष्प अधिकारी अञ्जली र लोकेश जलन लगायतको उपस्थिति रहेको थियो । गजलकार एक्सन आरसीको अध्यक्षता कार्यक्रममा डा.कृष्णराज डिसी को प्रमुख आथित्यता र कृष्ण कञ्जनको स्वागत मन्तब्य रहेको थियो ।
कार्यक्रममा गजलका अतिरिक्त कविता, गीत, साहित्य र जिवन दर्शनका बारेमा साहित्यकार पूर्ण भण्डारी पङ्कज र डा.कृष्णराज डिसीले मन्तब्य राखेका थिए । गणेश डाँगी गगन र गणेश समीप ढकालको सञ्चालन रहेको कार्यक्रममा राजनीतिक दलका नेता र कलाकारहरु लगायतको उपस्थिति रहेको थियो
