आहा सञ्चार संबाददाता
बङ्गाल खाडीमा उत्पन्न भएको शक्तिशाली अंपुन चक्रवातको नेपालमा पनि सामान्य असर देखिन सक्ने अनुमान गरिएको छ । मौसम पूर्वानुमान महाशाखाका अनुसार स्थानीय वायु को प्रभाव संगै अंपुन चक्रवातको अप्रत्यक्ष प्रभावले बदली संगै पूर्वी भूभागका धेरै स्थानहरु, मध्य भूभागका केही स्थानहरुमा र पश्चिमी भूभागका थोरै संगै मेघगर्जन÷चट्याङ÷हावाहुरी सहित हल्का देखि मध्ययम वर्षाको संभावना रहेको जनाएको छ ।
त्यस्तै हिमाली भुभागहरुमा हिमपातको समेत संभावना रहेको छ । जसको कारणले खोलानालाहरुमा जलप्रवाहमा समेत बढोत्तरि हुने संभावना रहेकोले आवश्यक सतर्कता अपनाउन हुन समेत अनुरोध गरेको । यो चक्रवात आजदेखि जमिनमा ठोक्किएर आउँदो शनिवारसम्म यसको प्रभाव रहने जनाइएको छ । जलसहितको आँधीले सबैभन्दा धेरै वङ्गालादेशमा प्रभाव पार्ने जनाइको छ । १५५ देखि १८५ किलोमिटरसम्म प्रतिघण्टाको दरमा अगाडि बढिरहेको हो ।
बङ्गालको खाडीमा विकसित भएर जमिनतिर अघि बढिरहेको एउटा शक्तिशाली समुद्री आँधीका कारण पूर्वी भारत र बाङ्ग्लादेशमा ठूलो हावाहुरीसहित वर्षा भइरहेको छ । अम्पुन नाम दिइएको उक्त चक्रवात अब केही घण्टामा भारत र बाङ्ग्लादेशको सीमामा बज्रिने अनुमान गरिएको छ । उक्त चक्रवातको सम्भावित मार्गमा पर्ने स्थानबाट दुवै देशले लाखौँ मानिसलाई सुरक्षित स्थानमा सारिसकेको बिबिसीले जनाएको छ ।
हेर्नुहोस यस्तो छ, मौसम पूर्वानुमान महाशाखाले जानकारी गरेको मौसम सूचना तथा चक्रवात चेतावनी बुलेटिन ।
मौसम पूर्वानुमान महाशाखा
मौसम पूर्वानुमान बुलेटिन (Weather Forecast Bulletin)
(जारी मितिः २०७७-०२-०७, विहान ०६:०० बजे)
मौसम विश्लेषण (Meteorological Analysis):-
हाल देशमा स्थानीय वायु को प्रभाव संगै अंपुन चक्रवातको अप्रत्यक्ष प्रभाव रहेको छ।
हालको मौसमको अवस्था (Present Weather Status):
हाल देशको सुदुर पश्चिम प्रदेश, कर्णाली प्रदेश का सबै भु-भाग लगायत प्रदेश नं ५ को केहि स्थानहरुमा मौसम सामान्यतया सफा रहेको छ भने बांकी सबै भु-भागमा सामान्य बदली रहि थोरै स्थानहरुमा वर्षा भइरहेको छ ।
आगामी तीन दिनको मौसम पूर्वानुमान
जेठ ७ गते (बुधबार)
दिउँसोः देशको पूर्वी भू-भागहरुमा पूर्ण बदली तथा मध्य भु-भागमा सामान्य बदली रही पश्चिमी भू-भागमा आंशिक बदली रहनेछ। पूर्वी भू-भागका धेरै स्थानहरु, मध्य भू-भागका केही स्थानहरुमा र पश्चिमी भू-भागका थोरै स्थानहरुमा मेघगर्जन/चट्याङ सहित हल्का देखि मध्ययम वर्षाको सम्भावना रहेको छ।पुर्वी तथा मध्य उच्च हिमाली भु-भागका केही स्थानहरुमा साथै पश्चिमी उच्च हिमाली भु-भागका थोरै स्थानहरुमा हल्का देखि मध्ययम हिमपातको समेत संँभावना रहेको छ।
रातीः देशको पूर्वी भू-भागहरुमा पूर्ण बदली तथा मध्य भु-भागमा सामान्य बदली रही पश्चिमी भू-भागमा आंशिक बदली रहनेछ। पूर्वी भू-भागका धेरै स्थानहरु, मध्य भू-भागका केही स्थानहरुमा र पश्चिमी भू-भागका १-२ स्थानहरुमा मेघगर्जन/चट्याङ /हावाहुरी सहित हल्का देखि मध्ययम वर्षाको सम्भावना रहेको छ।पुर्वी तथा मध्य उच्च हिमाली भु-भागका केही स्थानहरुमा साथै पश्चिमी उच्च हिमाली भु-भागका थोरै स्थानहरुमा हल्का देखि मध्ययम हिमपातको समेत संँभावना रहेको छ।
जेठ ८ गते (बिहीबार)
दिउँसोः देशको मध्य तथा पूर्वी भू-भागहरुमा पूर्ण बदली रही पश्चिमी भू-भागमा आंशिक बदली रहनेछ। मध्य तथा पूर्वी भू-भागका केहि स्थानहरु र पश्चिमी भू-भागका १-२ स्थानहरुमा मेघगर्जन/चट्याङ सहित हल्का देखि मध्ययम वर्षाको सम्भावना रहेको छ।पुर्वी तथा मध्य उच्च हिमाली भु-भागका केही स्थानहरुमा साथै पश्चिमी उच्च हिमाली भु-भागका १-२ स्थानहरुमा हल्का देखि मध्ययम हिमपातको समेत संभावना रहेको छ।
रातीः देशको पूर्वी भू-भागहरुमा पूर्ण बदली तथा मध्य भु-भागमा सामान्य बदली रही पश्चिमी भू-भागमा आंशिक बदली रहनेछ। मध्य तथा पूर्वी भू-भागका केहि स्थानहरु र पश्चिमी भू-भागका १-२ स्थानहरुमा मेघगर्जन/चट्याङ सहित हल्का देखि मध्ययम वर्षाको सम्भावना रहेको छ।पुर्वी तथा मध्य उच्च हिमाली भु-भागका केही स्थानहरुमा हल्का देखि मध्ययम हिमपातको समेत संभावना रहेको छ।
जेठ ९ गते (शुक्रबार)
दिउँसोः देशको पूर्वी भू-भागहरु लगायत मध्य र पश्चिमी पहाडि भु-भागमा सामान्यतया बदली रहि बांकी भू-भागमा आंशिक बदली रहनेछ। पूर्वी भू-भागका केहि स्थानहरु साथै मध्य र पश्चिमी पहाडि भू-भागका थोरै स्थानहरुमा मेघगर्जन/चट्याङ सहित हल्का देखि मध्ययम वर्षाको सम्भावना रहेको छ।
रातीः देशको पहाडि भु-भागमा सामान्य बदली रही बांकी भू-भागमा आंशिक बदली रहनेछ। पहाडि भू-भागका १-२ स्थानहरुमा मेघगर्जन/चट्याङ सहित हल्का वर्षाको सम्भावना रहेको छ।
आगामी २४ घण्टाका लागि चेतावनी तथा परामर्श (Warning/Advisory for next 24 hours):हाल देशमा स्थानीय वायु को प्रभाव संगै अंपुन चक्रवातको अप्रत्यक्ष प्रभावले बदली संगै पूर्वी भू-भागका धेरै स्थानहरु, मध्य भू-भागका केही स्थानहरुमा र पश्चिमी भू-भागका थोरै संगै मेघगर्जन/चट्याङ/हावाहुरी सहित हल्का देखि मध्ययम वर्षाको संभावना रहेको साथै हिमाली भु-भागहरुमा हिमपातको समेत संभावना रहेको छ जसको कारणले खोलानालाहरुमा जलप्रवाहमा समेत बढोत्तरि हुने संभावना रहेकोले आवश्यक सतर्कता अपनाउन हुन अनुरोध छ।
