भैसीपालनमा रमाउदै यामबहादुर

Byआहा सञ्चार

२०७६ आश्विन ८, बुधबार १६:३७

इन्द्र बुढाथोकी
सल्यान । पश्चिम सल्यानको बनगाड कुपिण्डे नगरपालिका १ सल्लीबजारमा एक अपांग व्यक्तिले भैसीपालन बाट मनग्ये आम्दानी गरेका छन । कुमाख गाउपालिका वडा न २ खारखोलाका यामबहादुर बुढाले २ वर्ष देखि भैसी पालान गरेर मनग्ये आन्दानी गरेका छन । १३ वर्ष देखि अस्थायी रुपमा सल्लीबजार बस्दै आएका बुढा पहिले गाडीमा सह चालक काम गर्दै आएका थिए । २ वर्ष अगाडि गाडी दुर्घटना हुदा उनको दायाँ खुट्टा भाचिएको थियो । आफुले सामान्य भैंसी हेर्ने दुध बेच्ने काम गरे पनि श्रीमतिले नै घाँस ल्याउने काम गरेको र यसमा श्रीमतिको अलि बढी मेहनत लाग्ने गरेको बुढाले बताए । ठुलो ३ वटा र सानो ३ वटा सहित ६ वटा भैंसी छन ।

२ वटा भैसीले अहिले दैनिक २४ माना दूध दिने गरेको मासिक २५ हजार सम्म कमाई हुने गरेको छ । अहिले दुध सल्लीबजारमा नै खपत हुने गरेको र बजारको माग अनुसार बजारमा नै दूध पुर्याउन सकिएको छैन उनले बताए । साथै ३ रोपनी जग्गा वार्षिक रु १२ हजार रुपैया भाडामा तिरेर तरकारी खेती गरिरहेको उनको भनाई छ । अहिले आधाआधा रोपनीमा घाँस र तरकारी खेत गरेर आफुले तरकारी खेती बाट मासिक ८।९ हजार कमाउने गरेको बताएका छन । भैंसी पालन र तरकारी खेतीबाट गरेर मासिक ३५ हजार बनाउने र छोराछोरी लालनपालन र पढाइ खर्च जुटाउन समस्या नभएको बताएका छन । नेपालका अधिकास युवाहरू विदेशको खाडी मुलुकमा भौतारी गरेको, दैनिक नेपालमा लास आउने गरेको, विदेशमा गएर अङ्ग भङ्ग हुने गरेको बेला त्यो लगानी लगाएर विदेशको जति दुख आफ्नै देशमा गरेर कृषि खेती, भैंसी पालन, बाख्रापालन लगाएतका काम गरेमा आफ्नै देश केही गर्न सकिने भएकोले अब सबै विदेश भन्दा स्वदेशमा केही गर्नु पर्ने उनको सुझाब छ ।

book ads
फेसबुक प्रतिक्रियाहरु
try