सत्यबहादुर बटाला
हिन्दु नारिहरुको महान चाड हरितालिका तीजको अवसर डिग्रे शाईकुमारी बचत तथा ऋण सहकारी संस्था सेवा केन्द्र आठविसकोटको आयोजनामा दर खाने कार्यक्रम सम्पन्न गरेको छ । कार्यक्रममा बोल्दै नगरपालिकाकी उपप्रमुख गीता नेपालीले आउँदै गरेको हरितालिका तिजको शुभकामना दिदै तीजमा आफु सँग भएको धनमाल प्रदर्शन गर्नुभन्दा सभ्य र साधारण जीवनशैलीमा नै तिज मनाउँन आग्रह गरिन । तीजमा बज्ने भड्काउलो भन्दा ज
नचेतना मुलक गीत संगीतमा रम्नु पर्ने पनि उनको भनाई छ । कार्यक्रममा उक्त कार्यक्रममा इलाका प्रहरी कार्याक्रय आठविसकोटका निमित्त प्रमुख प्रहरी निरिक्षक मदन शाही, उध्योग वानिज्य संघका अध्यक्ष दिनेश चन्द लगाएत अन्य स्थानिय बासीको पनि सहभागीता रहेको थियो । कार्यक्रममा नगरपालिका वडा वडानं ९ का वडा अध्यक्ष तारक बहादुर शाही, सहकारी सस्थाका उपाध्यक्ष बेदराज शर्मा र सचिव मनिशा भण्डारी लगायतको सहभागीता रहेको थियो ।
