शंकर देवकोटा
आठविसकोट
रुकुम पश्चिमको आठविसकोट नगरपालिकाले विजेता खेलाडिलाई सम्मान गरेको छ । आज एक कार्यक्रमका विच जिल्ला स्तरीय राष्ट्रपति रनिङ शिल्डमा विजयी खेलाडिहरुलाई सम्मान गरिएको हो । नगर प्रमुख रवि केसी, उप प्रमुख धनकुमारी शाही र प्रमुख प्रशासकिय अधिकृत मणिराज शाह लगायतको उपस्थितिमा शिल्ड विजेता खेलाडिलाई सम्मान गरिएको हो ।
रुकुम पश्चिमको चौरजहारी नगरपालिकामा भएको १३ औ जिल्ला स्तरीय राष्ट्रपति रनिङ शिल्ड मा आठबिसकोटले १४ गोल्ड मेडल सहित शिल्ड हात पारेको थियो । जसअनुसार नगर पालिकाले पालिकाले खेलाडि, खेलकुद बिकास समिति र टिम कोच लगायत सरोकारवाला ब्यक्ति तथा निकायहरुलाइ बधाइ तथा सम्मान ब्यक्त गरेको हो । रास्ट्रपति रनिङ शिल्डमा आठविसकोट नगरपालिकाले १४ स्वर्ण ,११ रजत, २ कास्य पदक प्राप्त गरि शिल्ड हात पारेको थियो । सम्मान कार्यक्रम अघि बधाई र्याली सहित बजार परिक्रमा समेत गरिएको थियो । यसैविच आजै आठबिसकोट नगरपालिकाको खेलकुद समिति र खेलाडीहरुले नगरपालिकालाइ शिल्ड हस्तान्तरण समेत गरेका छन ।
