रुकुम पश्चिममा कृषि, पर्यटन, व्यापार तथा साँस्कृतिक महोत्सव आयोजना हुने भएको छ । फागुन २६ गतेदेखि चैत्र ७ गतेसम्म महोत्सव सञ्चालन गरिने आयोजकले जानकारी दिएको छ ।
महोत्सवको राष्ट्रिय लोक तथा दोहोरी गित प्रतिष्ठान नेपाल रुकुम पश्चिम आयोजक र कला साँस्कृतिक पर्यटन प्रवद्र्धन मञ्च रुकुम पश्चिमको सह–आयोजक रहेका छन । मुसिकोट नगरपालिका वडा नम्बर १ को बराहटाकुरामा सञ्चालन हुने महोत्सवको लागि मुसिकोट नगरपालिकाबाट अनुमति ल्याईसकिएको र अन्य आवश्यक कार्यहरु भैरहेको महोत्सव मुल आयोजक समितिका संयोजक डिल्ली परियारले जानकारी दिए । उनका अनुसार महोत्सवले रुकुम पश्चिमको कृषि, पर्यटनका साथ व्यापार तथा कलासंकृतिको प्रचारप्रसार हुनेछ ।
महोत्सवमा रुकुम पश्चिमको कृषि उत्पादन, पर्यटन प्रवद्र्धनमा सहयोग पुग्ने स्टलहरुका साथै स्थानीय कलासंस्कृतिका झाँकिहरु पनि प्रस्तुतीमा राखिने छन । त्यसका साथै स्थानीय तथा राष्ट्रिय कलाकारहरुको पनि प्रस्तुती रहने आयोजकले बताएको छ ।
