डिल्लीबहादुर खत्री
चौरजहारी
रुकुम पश्चिमको चौरजहारी नगरपालिकामा राष्ट्रपति रनिङ शिल्ड र नगरप्रमुख कपको उद्घाटन गरिएको छ । नवौं राष्ट्रपति रनिङ शिल्ड तथा चौथो नगरप्रमुख कप वडा न.२ स्थित शितल माध्यमिक बिद्यालयमा सुरु भएको छ । शिल्ड तथा नगर प्रमुख कपमा ४१ वटा बिद्यालयको सहभागिता रहेको थियो ।
जिल्ला समन्वय समितिका प्रमुख राजकुमार शर्माले पानसमा बत्ती बालेर कार्यक्रमको उद्घाटन गरे । कार्यक्रमको उद्घाटन गर्दै प्रमुख शर्माले रुकुमले खेल तथा अन्य समग्र विकासले गति लिएको बताए । ‘अहिलेका यी पक्की भवन, खेलमैदान, सडक लगायतका पुर्वाधार आफै भएका होइनन हामीले बनाएका हौँ’ उनले भने, ‘अझै पनि चौरजहारीमा ठुलो खेल सञ्चालन गर्न सक्ने खेल मैदान छैन् त्यसको लागि पहल हुन्छ ।’ नगर प्रमुख बिशाल शर्माको अध्यक्षता रहेको कार्यक्रममा निमित्त प्रमुख प्रशासकीय अधिकृत रामबहादुर केसीको सञ्चालन रहेको थियोे भने उपप्रमुख राधा रोका, वडा अध्यक्ष, विभिन्न संघसंस्था प्रमुख तथा प्रतिनिधिको आथित्यता रहेको थियोे । आजै जनप्रतिनिधि र कर्मचारी बिच भएको मैत्रीपूर्ण भलिबल प्रतियोगितामा कर्मचारी टिम बिजय भएको छ । अन्य खेलकुदहरु हाइजम्प ,लङ्गजम्प , हिसाबदौड, भलिबल, लामोछोटो दौड, सटपुट, ज्याप्लिङ थ्रो लगायतका खेलहरुपनि सञ्चालन हुनेछन्
