नेपाली म्युजिक भिडियोलाई फेरि एकपटक नयाँ स्वाद दिएको छ “एउटै मुटु” बोलको गीतले। हालै युट्युबमा सार्वजनिक भएको यो गीतमा धनगढीका सागर गौतमले पहिलो पटक अभिनयमा हात हालेका छन्। सँगै चर्चित मोडल तथा टिकटक स्टार स्मारिका ढकाल र रमेश दियालीको दमदार उपस्थिति पनि देख्न सकिन्छ।
निर्देशक प्रकाश धितालको निर्देशनमा तयार भएको यो भिडियोमा प्रेममा देखिने अविश्वास, पीडा र धोका जस्ता गहिरा भावनालाई प्रस्तुत गरिएको छ। निर्देशकका अनुसार अहिलेको यथार्थ समाज र सम्बन्धहरूलाई कलात्मक रूपमा चित्रण गर्ने प्रयास गरिएको हो।
गीतमा सुवास घटानीको सुमधुर स्वर, अविनाश शंकर र देवेन्द्र नेवाको शब्द, अनि टेकेन्द्र शाहको सम्पादनको संगम छ। भिडियो सोम गुरुङ अफिसियल युट्युब च्यानलमार्फत हेर्न सकिन्छ।
फेसबुक प्रतिक्रियाहरु
