यमराज थापा
रुकुम पश्चिम गोल्डेन गाईज द्वारा मलेसियामा खुल्ला पुरुष भलिबल हुने भएको छ । यहि आउदो डिसेम्बर ८ २०२४ मा मलेसियाको क्वालालम्पुर बङसार साउथ केरेन्ची न्याक्सुस स्थित खेल उदघाटन हुने आयोजक समितिले जनाएको छ ।
उक्त कार्यक्रम अन्तर्गत खुल्ला पुरुष भलिबल मात्र हुने आयोजक समितिका अध्यक्ष हर्क बहादुर बिश्वकर्माले जानकारी दिनुभयो । उहाँका अनुसार खेल टिटि सिस्टम अनुसार खेलाईने र कम्तिमा १२ टिम भन्दा कम उपस्थित भएमा पुरुस्कार राशिमा फेरबदल हुने उहाँको भनाई छ ।
प्रतियोगितामा प्रथम स्थान हासिल गर्ने समुहले नगत मलेसियन रिङगेट तीन हजार तीस सहित कप,मेडल प्राप्त गर्नेछ्न भने दोस्रो स्थान प्राप्त गर्ने समुहले मलेसियन रिङगेट एक हजार पाँच सय पन्ध्र सहित कप, मेडल प्राप्त गर्दा तेस्रो स्थान प्राप्त गर्ने समुहले मलेसियन रिङगेट आठ सय आठसहित कप,मेडल प्राप्त गर्ने,साथै उत्कृष्ट विधा तर्फ वेस्ट स्पाईकर १ जना र वेस्ट प्लेर १ जना गरि २ जना उत्कृष्ट खेलाडी घोषण गर्ने कार्यक्रम अध्यक्ष बिश्वकर्माले जानकारी दिनुभयो ।
त्यस्तै खेलाडी प्रेमीहरुले खेल दर्ता गर्दा मलेसियन रिङगेट पाँच सय एक शुल्क बुझाउनुपर्ने छ । खेल दर्ता यहि डिसेम्बर ७ साझ १० बजे सम्म गरिसक्नु पर्ने र डिसेम्बर ८ २०२४ बिहान ९ बजे मलेसियाको क्वालालम्पुर बङसार साउथ केरेन्ची न्याक्सुस स्थित उदघाटन हुने व्यवस्थापन समितिले जनाएको छ ।
