रुकुम पश्चिम चौरजहारी नगरपालिका वडा नम्बर ५ खहरे स्थायी घर भएर हाल काठमाण्डौमा बस्दै आएका १६ बर्षिय विज्ञान बुढामगरको उपचारमा सहयोग गर्न परिवारले सबैमा अपिल गरेको छ । काठमाडौं पानीपोखरी स्थित भानुभक्त मेमोरियल स्कुलमा अध्ययनरत विज्ञान स्वास्थ्यमा एक्कासी समस्या देखिएपछि काठमाण्डौका विभिन्न अस्पतालहरुमा चेकजाँच गरिएको थियो ।
काठमाण्डौका अस्पतालमा चेकजाँच गरेर पनि समस्या पत्ता नलागेपछि भारतको नयाँ दिल्ली स्थित राजीव गान्धी क्यान्सर हस्पिटलमा लगिएको थियो । त्यहाँ चेकजाँच गर्ने क्रममा ब्लड क्यान्सर जस्तो प्राणघातक रोगको संक्रमण पुष्टि भएको विज्ञानका बुवा खिम बहादुर बुढाले जानकारी दिए ।
हस्पिटलले दिएको लागत उपचार खर्च हाम्रो आर्थिक अवस्था भन्दा कैंयौ गुणा बढी रहेको र हामी सङ्ग भएको जायजेथा सम्पती सबै जोड्दा समेत उपचारको कूल खर्चको एकचौथाई पनि नभेट्ने अवस्था देखिएकाले सामाजिक सञ्जाल मार्फत उनले सबैसंग आर्थिक सहयोगको लागि अपिल गरेका छन ।
सहयोग तथा सम्पर्कका लागि ।
