Input your search keywords and press Enter.

अरुले बनाउन सकेनन्, भूमेले प्रयोग गर्छ आफ्नै लोगो

आहा सञ्चार संबाददाता
रुकुम पूर्वको भूमे गाउँपालिकाले आफ्नो तह झल्कने लागो निर्माण गरेर प्रयोग गरेको एक बर्ष पुग्न लाग्दा पनि अन्य स्थानीय तहरु भने कसैले बनाएका छैनन् । नेपाल सरकारको निशान छाप संगै स्थानीय तहरुले आफ्नो छुट्टै सामाजिक, सांस्कृतिक, प्राकृतिक तथा भौगोलिक पहिचान झल्कने लोगो बनाएर प्रयोग गर्न सक्छन ।
जस अनुसार रुकुम पूर्वको भूमे गाउँपालिकाले पनि खुल्ला प्रतिष्प्रधाबाट लोगो छनोट गरेर प्रयोगमा ल्याएको गाउँपालिकाका प्रमुख प्रशासकीय अधिकृत चन्द्रसिंह श्रेष्ठले जानकारी दिए ।

उक्त लोगो निर्माणको लागि गाउँ कार्यापालिकाबाट खुल्ला प्रतिष्प्रधाका लागि सूचना निकालेर आह्वान गरिएकोमा ६ वटा लोगोहरु प्राप्त भएका थिए । जसमा रुकुम पश्चिम मुसिकोटका टेक आरसीले बनाएको लोगो छनोट गरि कार्यपालिकाले लागो प्रयोगको लागि निर्माण गरिएको थियो । ‘टेक आरसीको लोगोमा केहि थोरै परिमार्जन गरेर कार्यपालिकाले लोगोको अन्तिम रुप दियो’ प्रमुख प्रशासकीय अधिकृत श्रेष्ठले भने, ‘अहिले गाउँपालिकाले नेपाल सरकारको निशान छाप र गाउँपालिकाको लागो दुबै प्रयोग गर्दै आएको छ ।’ उक्त लोगोमा भूमे गाउँपालिकाको बिभिन्न सामाजिक, सांस्कृतिक तथा भौगोलिक पहिचान भल्कने चित्रहरु समेटिएको छ ।
चुनबाङ सहिद गेट, लालीगुराँस, मगर समुदायहरुको पहिचान खुर्पेटोमा हसिया, गाउँपालिकाको नक्सा, हिमाली जिल्ला भएका कारण हिमाल र कृषि उत्पादनको चित्र पनि उल्लेख गरिएको छ । लोगो बनाउने आरसीलाई १५ हजार नगद पुरस्कार दिने निर्णय गरिएको र छिटै प्रदान गरिने गाउँपालिकाले बताएको छ । भूमे गाउँपालिकाले आफ्नो पहिचान सहितको लागो निर्माण गरेर प्रयोेग गरेपनि रुकुम पूर्वका अन्य २ स्थानीय तह र रुकुम पश्चिमका ६ वटै स्थानीय तह कुनैले पनि बनाउन सकेका छैनन् ।

Share Button

First and best news portal from rukum for world.

Leave a Reply

Your email address will not be published. Required fields are marked *