Input your search keywords and press Enter.

लघु जलविद्युत आयोजनाको लेखा परिक्षण सम्पन्न

सुवास बटाला
मुसिकोट
साँख खोला दोभान लघु जलविद्युत आयोजना मुसिकोट ११ रुकुम (पश्चिम) ले २०६६ सालदेखि २०७३ पौष ७ सम्मको तथा २०७४/०७५ सालको वार्षिक लेखा परिक्षण सम्पन्न गरेको छ । मुसिकोट ११ साविक भलाक्चा २ स्यावाङ्गमा आईतबार एक औपचारि कार्यक्रमका विच सम्पन्न भएको हो ।

कार्यक्रममा जलविद्युत निर्माण कार्य सुरु भएदेखि हालसम्म को आय–व्ययको विवरण प्रस्तुत गरिएको छ । जसमध्य विद्युत निर्माण कार्यमा गा.वि.स. अनुदान १० लाख ६१ हजार सात सय पच्चिस,वैकल्पिक उर्जा प्रवद्धन केन्द्रको नियमित अनुदान १ करोड ४७ लाख ९० हजार र थप स्वीकृत अनुदान २० लाख ३५ हजार ९ सय ८६ रुपैयाँ ५० पैसा,जनसमुदायबाट नगद प्राप्त २२ लाख ९४ हजार ५ सय पैसट्ठि,मु.अ.कर फिर्ता बापतको १० लाख ९२ हजार ८ सय छत्तिस र वैकल्पिक उर्जा प्रवद्धनको जिईएसआई (लक्षित समुह¬) अनुदान १३ लाख ३०,००० हजार अनुदान गरि कुल रकम रु. २ करोड २६ लाख ५ हजार एक सय बाह्र मा उक्त आयोजना सम्पन्न भएको विद्युत निर्माण समितीले जानकारि दिएको छ । कार्यसमितीले सम्पुर्ण काम काज वडा कार्यालयले हर्ने गरि कार्यसमिती खारेज गरि ११ नं वडा कार्यालयलाई आयोजनाको सम्पुर्ण जिम्मा हस्तान्तरण गरिएको छ ।

तर संघर्ष समितीले भने विद्युत निर्माणको सम्पुर्ण काम श्रमदान मार्फत गरिएको भए पनि लागत खर्च धेरै आएको भन्दै संघर्ष समितीले आन्दोलन गरेका थिए । निर्माण सामाग्रीहरु खरिद गरेको विल भर्पाइहरु समेत पेश गर्न माग गरेको तर कार्यसमितीले त्यसो गर्न नसकेको कारण आन्दोलन गरेको संघर्ष समितीले जनाएको छ । तर कार्यसमितिका अध्यक्ष शेर बहादुर खड्काले भने आफुमाथी लगाइएको आरोप झुट भएको र आफुले अनियमितता नगरेको दाबी गरे । उपभोक्ता समितीले १०५ दिन श्रमदान गरेको कुरा सहि भएको तर त्यसमा मुख्य मिस्त्री लगाएत आफ्नो श्रमदान गर्नुपर्ने मापदण्ड पुरा गरेकालाई दैनिक ज्याला दिने गरेको खड्काले जानकारि दिए । बिल भर्पाइ पनि विवादित वातावरणमा पेश गर्न नसकिएको विद्युत निर्माण कार्यसमितीका सदस्य दुर्गबहादुर बाँठाले जानकारि दिए । आफुहरुको सहमति बिना नै आयोजनाको जिम्मा वडा कार्यलाई सुम्पिएको प्रति संघर्ष समितीले आपत्ति जनाएको छ ।

Share Button

First and best news portal from rukum for world.

Leave a Reply

Your email address will not be published. Required fields are marked *

Shares