Input your search keywords and press Enter.

व्यवसाय दर्ता गर्न नगरपालिकाको अनुरोध

इन्द्र बहादुर बुढाथोकी
सल्यान
बनगाड कुपिण्डे नगरपालिका द्धारा सम्पुर्ण व्यवसायीहरुलाइ असार मसान्तसम्म नगरपालिकाको कार्यालयमा आफ्नो व्यवसाय दर्ता गर्ने अनुरोध गरेको छ । बजारबाट हुने आर्थिक क्रियाकलाप व्यवस्थित गर्त नगरपालिकाले व्यवसाय दर्ता अभियानमा जोड दिएको हो । दर्ता अभियानको सचेतना स्वरुप नगरपालिकाको मुख्य व्यापारी केन्द्र सल्लीबजारमा सचेतना ¥याली समेत निकालिएको छ । व्यवासाय दर्ता गरौं, राजस्वको दायरा बढौ, स्थानीय तहको नियम पालना गरौं, सभ्य नागरिकको परिचय दियौं र घरबाल कर तिरौ लगाएतका नारा लगाउदै बजार परिक्रमा गरिएको हो । कार्यक्रममा नगर प्रमुख गोबिन्द कुमारपुनले सम्पुर्ण व्यापारीहरुलाइ आआफ्नो व्यापार व्यवासाय दर्ता गरेर नगरको विकासमा सहयोग गर्ने अनुरोध गरे ।

मुख्य व्यापारी केन्द्र सल्लीबजार लगाएतका १२ वटा वडाका सम्पुर्ण व्यापारीहरुलाइ पनि छिटोभन्दा छिटो नगरमा आएर व्यवासाय दर्ता गर्न उनको अनुरोध थियो । एक महिना भित्र व्यवासाय दर्ता नगरेमा अर्को आर्थिक वर्ष देखि थप जरिवाना सहित शुल्क लाग्ने पनि नगरपालिकाले बताएको छ । अहिले सम्म नगरपालिकामा कुनै पनि व्यवसाय दर्ता भएका छैनन् । नगरपालिकाले सडक अतिक्रमण गरेर गरिएका व्यवापारिक क्रियाकलाप पनि तत्काल हटाउन सबैमा अनुरोध गरेको छ ।

Share Button

First and best news portal from rukum for world.

Leave a Reply

Your email address will not be published. Required fields are marked *

Shares