Input your search keywords and press Enter.

भूमे गाउँपालिकामा फेकोफन स्थानीय महासंघ गठन

सर्जना कार्की

रुकुम पुर्व

रुकुम पुर्व भुमे गाउपालिकामा सामुदायिक वन उपभोक्ता महासघं नेपाल (फेकोफन)को स्थानिय महासघंको प्रथम सम्मेलन सम्पन्न भएको छ । सम्मेलनले ओम प्रकाश रोकाको अध्यक्षतामा २१ जना सदस्यीय समिती गठन गरेको छ । जसको उपाध्यक्षमा तारा प्रकाश पुन, सचिब जुनतारा पुण, सहसचिव भुपिन पुन, कोषाध्यक्ष अला पुन रहेका छन । त्यसैगरी सम्मेलनले बल बहादुर सुनारको संयोजकत्वमा ३ सदस्सीय न्यायिक समिती र ललित पुनको संयोजकत्वमा ३ सदस्सीय लेखा समिती गठन गरेको छ ।

यसअघि जिल्लामा रहेको महासंघले अब सबै स्थानीय तहमा काम गर्ने बताएको छ । फेकोफनकी महासचिव गौरी खत्रिको अध्यक्षतामा भएको कार्यक्रममा भुमे गाउपालिका अध्यक्ष रामसुर बुढा मगरको प्रमुख आथित्यता र प्रमुख प्रशासकीय अधिकृत चन्द्रसिंङ श्रेष्ठको बिशेष आथित्यता रहेको थियो । सम्मेलनमा वन समुहमा आबद्ध गाउपालिकाका ४५ वटा समुहका २/२ जनाको उपस्थिति रहेको थियो । जिल्ला वन महासंघ रुकुमकी कोषाध्यक्ष विष्णु देवकोटाको स्वागत मन्तव्य रहेको कार्यक्रमको सञ्चालन चौरजहारी नगरपालिका सामुदायिक वन महासघंकी अध्यक्ष पुष्पा खड्काले गरेकी थिईन ।

सिस्नेमा पनि गठन
रुकुम पुर्व सिस्ने गाउपालिकामा सामुदायिक वन उपभोक्ता महासघं नेपाल (फेकोफन रुकुम)को पुर्वी रुकुम अन्तर्गत स्थानिय महासघंको प्रथम सम्मेलन सम्पन्न भएको छ । जिल्ला वन महासघं फेकोफन रुकुमको आयोजनामा सम्मेलन सिस्ने गाउपालिका वडा नम्बर ५ स्थित सिस्ने शिक्षा क्याम्पसमा सम्पन्न भएको हो । सम्मेलनले शुसिला शर्मा दाहालको अध्यक्षतामा २१ जना सदश्य समिती गठन गरेको छ । उपाध्यक्षमा राजु बिसि, सचीव शुसिला खड्का,सहसचिव पार्वती खड्का घर्ती कोषाध्यक्ष नमिता बुढा मगर रहनुभएको छ । त्यसैगरी सम्मेलनले मोहन गिरिको संयोजकत्वमा ३ सदस्सीय न्यायिक समिती र हिरा बुढा मगरको संयोजकत्वमा ३ सदश्य लेखा समिती गठन गरेको छ । फेकोफन कि महासचिव गौरी खत्रिको अध्यक्षतामा भएको कार्यक्रममा प्रमुख अतिथी सिस्ने गाउपालिका अध्यक्ष कुमारी बराल, बिशेश अतिथी उपाध्यक्ष गोबरधन बुढा र सिस्ने शिक्षा क्याम्पस प्रमुख तिब्र गौतमको पनि उपस्थिति रहेको थियो । सिस्ने गाउपालिकाको १,२,३,४,६,७ र ८ वडाका वडा अध्यक्ष सहित जिल्ला वन महासंघमा आबद्ध गाउपालिकाका सबै मानिसको उपस्थिति रहेको थियो । जिल्ला वन महासंघ रुकुमकी कोषाध्यक्ष विष्णु देवकोटाको स्वागत मन्तव्य रहेको कार्यक्रमको सञ्चालन चौरजहारी नगरपालिका सामुदायिक वन महासघंकी अध्यक्ष पुष्पा खड्काले गरेकी थिईन ।

Share Button

First and best news portal from rukum for world.

Leave a Reply

Your email address will not be published. Required fields are marked *

Shares