Input your search keywords and press Enter.

नगरपालिकाले घुम्ती हटाउने निर्णय कार्यान्वयन गर्न सकेन

आहा संबाददाता
रुकुम ३०, फागुन
मुसिकोट नगरपालिकामा सार्वजनिक जग्गा तथा सडक अतिक्रमण गरी बनाइएका घुम्तीमा घटाउने निर्णय गरेपनि नगरपालिकाले निर्णय कडाईका साथ कार्यान्वयन गर्न सकेको छैन । गत पुस ४ मा मुसीकोट नगरपालिकाले जिल्ला सदरमुकाम समेत रहेको वडा १ को सार्वजनिक जग्गा तथा सडक अतिक्रमण गरी बनाइएका घुम्ती हटाउन रातो चिह्न लगाई मुख्य सडक मिचेर बनाइएका १९ वटा घुम्ती तत्काल हटाउन चेतावनी दिएको थियो । तर एक साताको अल्टिमेटम सहित चिह्न लगाइएको घुम्ती महिनौ बित्दा पनि पनि हटाइएको छैन ।

त्यसअघि पनि पटक–पटक घुम्ती हटाउन आग्रह गरे पनि व्यापारीले अटेर गरेका थिए । अन्तिमपटकको चेतावनी भन्दै नगरपालिकाले गरेको उक्त कदम व्यवसायीको अटेरीकै कारण कार्यान्वयन हुन नसकेको हो । रातो चिह्न लगाइएका घुम्ती ७ दिनभित्र नहटाइए नगरपालिका आफैंले हटाउने चेतावनी दिइए पनि निर्णय कार्यान्वयन भएको छैन । नगरपालिकाको चेतावनीपछि हटाउन थालिएका घुम्ती पनि फेरि उही ठाउँमै सारिएको छ । ‘सडक मिचिएकै छन, सार्वजनिक क्षेत्र अतिक्रमण भएकै छन, नगरपालिले खासै एक्सन लिन सकेन,’ स्थानीय नरबहादुर केसीले भने, ‘सार्वजनिक जमिन र सडक मिचिँदा दुर्घटनाको जोखिम त बढेको छ नै अन्य कामकाजमा पनि अवरोध भएको छ ।’ कर्मचारीले नगर चलाउँदा त भएन भएन, जनप्रतिनिधि आइसक्दा पनि नगरपालिकाको पहल कार्यान्वयन नहुनु विडम्बना रहेको स्थानीय वीरबहादुर खत्री बताउँछन । नगरपालिकाले दोर्होयाएर अनुगमन नगरेको उनको गुनासो छ । सडक अतिक्रमणसँगै जथाभावी सवारीसाधन पार्किङ गरिनु यहाँको ठूलो समस्या बनेको छ । अव्यवस्थित सवारी साधन पार्किङले पैदल यात्रुमा दुर्घटनाको जोखिम पनि बढेको छ । मुसीकोट ५, सेरीगाउँदेखि सल्लेसम्मको ३ किमि सडकमै सवारीसाधन पार्किङ हुने गरेको छ ।

५ वटा यातायात व्यवसायी समिति र तिनै समितिसँग सहकार्य गरी जिल्ला बाहिरका सवारीसाधानहरू सडकमै पार्किङ गर्दा दुर्घटनाको जोखिम बढेको स्थानीयको गुनासो छ । नगर प्रमुख देवीलाल गौतमले रातो चिह्न लगाएर घुम्ती हटाउनु भनिएपछि अनुगमन गर्न नभ्याइएको बताउँछन । ‘रातो चिह्न लगाइदिएपछि कतिले त हटाउनु पनिभएको छ, नहटाएकालाई हटाउन अनुरोध गरिनेछ,’ उनले भने ।

Share Button

First and best news portal from rukum for world.

Leave a Reply

Your email address will not be published. Required fields are marked *

Shares