Input your search keywords and press Enter.

संक्रमणकालीन न्याय तथा शान्ति मञ्चको बैठक सम्पन्न

आहा संचार संबाददाता
रुकुम
द्वन्द्वपीडितहरुको संलग्नतामा गठन गरिएको जिल्ला स्तरीय संक्रमणकालीन न्याय तथा शान्ति मञ्च रुकुमको बैठक आइतबार सदरमुकाम मुसीकोटमा सम्पन्न भएको छ । मानव अधिकार संरक्षण तथा कानूनी सेवा केन्द्र हरप्लेस नेपालद्वारा सञ्चालित संक्रमणकालीन न्याय र शान्ति प्रवद्र्धनका लागि स्थानीय क्षमता विकास परियोजना अन्तर्गत गठन गरिएको उक्त मञ्चको बैठकमा द्वन्द्वपीडितका विद्यमान समस्या, संक्रमणकालीन न्यायको प्रक्रिया लगायतका विषयमा छलफल गरिएको छ । पीडितहरुले सत्य निरुपण तथा मेलमिलाप आयोग र बेपत्ता छानविन आयोगमा उजुरी दिएको लामो समय भईसक्दा पनि न्याय पाउने कुरा कतै पनि नसुनेको गुनासो गरे । यी आयोगहरुको म्याद मात्र थप गरेर केही नहुने उनीहरुको गुनसो छ । बैठकपछि रुकुम जिल्लामा द्वन्द्वको समयमा ज्यान गुमाएका मृतकहरुको सम्झनामा निर्माण गरिएको शान्ति स्मारकको अवलोकन समेत गरिएको छ । अवलोकनको क्रममा आफ्ना परिवारका सदस्यहरुको नाम उक्त स्मारकमा देख्दा पीडितहरु खुसी भएका छन् । संक्रमणकालीन न्याय तथा शान्ति मञ्च रुकुमका संयोजक विष्णु देवकोटाको अध्यक्षतामा सम्पन्न उक्त बैठकको सहजिकरण हरप्लेस–नेपाल रुकुमका जिल्ला कार्यक्रम संयोजक सुरेन्द्र खत्रीले गरेका थिए ।

Share Button

First and best news portal from rukum for world.

Leave a Reply

Your email address will not be published. Required fields are marked *

Shares