Input your search keywords and press Enter.

पाठेघर समस्या भएका महिलाका लागि निःशुल्क शिबिर

दिपक संगम थापा
मुसिकोट

रुकुम पश्चिमको आठविसकोट नगरपालिका स्थित स्वास्थ्य चौकी राडीजयूलामा पाठेघर सम्बन्धि तिन दिने निशुल्क स्वास्थ्य शिविर सम्पन्न भएको छ । आठविसकोट नगरपालिकाको आर्थिक सहयोग, आधारभुत स्वास्थ्य तथा सरसफाई कार्यालय आठविसकोट रुकुमको आयोजना र चौरजहारी सामुदायिक अस्पतालको प्राविधिक सहयोगमा पाठेघर सम्बन्धि निशुल्क स्वास्थ्य शिविर सम्पन्न भएको नगर प्रमुख गोर्खबहादुर केसीले जानकारी दिए । गत फागुन २ गतेदेखि शुरु भएको स्वास्थ्य शिविर शुक्रबार सम्पन्न भएको हो ।

उक्त शिविरमा ९ सय २५ जनाको चेकजाँच तथा परामर्श दिईएको थियो । जसमा २ सय ४२ जना महिलालाई रिङपेसरी राखिएको छ भने ३९ जनाको पाठेघरको अपरेशन गरिने भएको छ । पाठेघरको शल्यक्रिया चौरजहारी अस्पतालमा गरिने भएको छ । तीन दिने पाठेघर सम्बन्धि निशुल्क स्वास्थ्य शिविरले आफुहरुको स्वास्थ्यमा सुधार भएको विरामीहरुले बताएका छन् । महिलाहरुको पाठेघर समस्या समाधानका लागि निशुल्क स्वास्थ्य शिविरको आयोजना गरिएको आठविसकोट नगरपालिकाका स्वास्थ्य संयोजक नन्दलाल महतोले बताए । उनका अनुसार आगामी दिनहरुमा पनि विविध प्रकारका स्वास्थ्य शिविरहरु सञ्चालन गरिने छ । उक्त शिविरमा चौरजहारी सामुदायिक अस्पतालका डा. कालेव कुमार बुढाको नेतृत्वमा अहेव, अनमी, स्वास्थ्य स्वयमसेविकाहरुको साथमा उपचार तथा परामर्श गरिएको थियो । सानै उमेरमा विवाह गर्नु, छोटो जन्मान्तरमा धेरै बच्चा पाउनु, धेरै गह्रौ भारी बोक्ने लगायतका कारणले पाठेघरको समस्या उत्पन्न हुने डा. कालेव कुमार बुढाले बताए ।

Share Button

First and best news portal from rukum for world.

Leave a Reply

Your email address will not be published. Required fields are marked *

Shares